Fara í efni

Útgáfa rekstrarleyfis til fiskeldis að Botnum í Meðallandi

Matvælastofnun hefur veitt Lindarfiski ehf. rekstrarleyfi til fiskeldis að Botnum í Meðallandi í Skaftárhreppi í samræmi við lög um fiskeldi. Matvælastofnun auglýsti tillögu að rekstrarleyfi þann 19. nóvember 2019 og var frestur til að skila inn athugasemdum til 19. desember 2019.

Lindarfiskur sótti um stækkun á rekstrarleyfi fyrir 300 tonna seiðaeldi og matfiskeldi á bleikju að Botnum í Meðallandi, Skaftárhreppi. Fyrirtækið var áður með rekstrarleyfi fyrir 20 tonna eldi á bleikju. Umsókn um stækkun rekstrarleyfis var móttekin 11. maí 2018. Úttekt starfsstöðva hefur farið fram og staðfestir Matvælastofnun gildistöku rekstrarleyfis Lindarfisks FE-1147 að Botnum í Meðallandi en starfsemin er einnig háð starfsleyfi Umhverfisstofnunar.

Framkvæmd fyrirtækisins er ekki matsskyld skv. ákvörðun Skipulagsstofnunar í samræmi við lög um mat á umhverfisáhrifum.

Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.

Ítarefni


Getum við bætt efni síðunnar?