Hefur þú áhuga á starfi hjá Matvælastofnun?
Hjá Matvælastofnun starfa rúmlega 110 manns. Matvælastofnun er þekkingarvinnustaður þar sem stærsti einstaki hópurinn er dýralæknar. Stór hluti starfsfólks eru matvælafræðingar, líffræðingar og annað náttúruvísindafólk og u.þ.b. 90% starfsfólks er með háskólamenntun. Um 15% af starfsfólki stofnunarinnar er af erlendum uppruna frá u.þ.b. 10 þjóðlöndum. Við lítum á það sem styrkleika að búa að þessum fjölbreytta mannauð sem kemur frá ólíkum menningarheimum og býr yfir margskonar hæfni og reynslu.
Starfsstöðvar Matvælastofnunar eru tíu í kringum landið. Um helmingur starfsmanna hefur starfsstöð í höfuðstöðvunum á Selfossi og rúmur fjórðungur í Reykjavík.
Áhersla er lögð á teymisvinnu, bæði til að tryggja að þekking dreifist og varðveitist innan stofnunar og til að tryggja faglega endurgjöf og stuðning við starfsfólk. Matvælastofnun hefur jafna kynjaskiptingu og er fjölskylduvænn vinnustaður þar sem áhersla er lögð á jafnrétti, sveigjanleika, fjölbreytni og heilbrigðan lífsstíl.