Útflutningur á heyi
Útflutningur á heyi til landa innan EES
Bændur sem flytja út hey frá Íslandi til annara landa eiga að vera skráðir hjá Matvælastofnun sem fóðurfyrirtæki. Hey er ekki í frjálsu flæði innan EES. Kröfur um innflutning á heyi eru mismunandi milli landa EES.
Útflutningur á heyi til Færeyja
Nokkuð er um útflutning á heyi til Færeyja. Matvælastofnun vottar heysendingar og skal staðfesta að heyið uppfylli kröfur færeyskra dýralæknayfirvalda sem eru eftirfarandi:
- Húsdýr skulu ekki ganga á því landi sem notað er til að afla heyjanna.
- Ekki skal borinn húsdýraáburður á túnin.
- Girðingar skulu vera fjár- og dýraheldar.
- Garnaveiki má ekki hafa greinst á býlinu í 10 ár.
- Riða má ekki hafa greinst á býlinu í 20 ár.
- Vélar og tæki sem notuð eru til heyskaparins skulu þvegin og sótthreinsuð eftir tilteknum verklagsreglum.
Umsókn um leyfi til framleiðslu á heyi vegna útflutnings til Færeyja
Bændur sem hyggjast flytja hey til Færeyja skulu sækja um leyfi með því að senda umsókn í þjónustugátt Matvælastofnunar með eyðublaði nr. 1.11 Umsókn um leyfi til framleiðslu á heyi vegna útfl. til FO. Umsókn er móttekin af héraðsdýralækni og í framhaldinu verður farið í eftirlit með áherslu á atriði sem nefnd eru hér að ofan.
Umsókn um vottorð vegna útflutnings á heyi til Færeyja
Sækja skal um vottorð í gegnum þjónustugátt. Leiðbeiningar um útflutningsvottorð.