Lífræn framleiðsla
Lífræn framleiðsla
Löggjöf Evrópusambandsins um lífræna framleiðslu gildir hérlendis. Markmið hennar er að leiða til sjálfbærrar ræktunar, fjölbreytileika í úrvali hágæðavöru, umhverfisverndar, líffræðilegrar fjölbreytni, dýravelferðar, trúverðugleika og neytendaverndar. Löggjöfin nær yfir allt ferlið, frá öflun aðfanga til ræktunar, vinnslu, skjalfestingar á ferli hráefna í gegnum vinnslu og innflutnings vottaðra vöru frá þriðju ríkjum. Þannig er reynt að girða fyrir svindl hvað varðar merkingu lífrænna vöru.
Fyrirkomulag vottunar og eftirlits með lífrænni framleiðslu:
Stjórnvöld á Íslandi hafa ákveðið að framselja lífræna vottun og eftirlit til sjálfstætt starfandi vottunarstofu. Vottunarstofan Tún er eini aðilinn sem hefur faggildingu til að votta lífræna framleiðslu á Íslandi.
Allir sem rækta, framleiða, geyma, dreifa, selja eða flytja, lífrænt vottuð matvæli eða fóður, inn eða út úr landinu skulu hafa vottun frá faggildri vottunarstofu. Nánari upplýsingar um vottunarskyldu og undanþágu fyrir smásöluverslun er að finna hér: https://www.mast.is/is/annad/lifraen-framleidsla/vottunarkrafan
Vottun um lífræna framleiðslu kemur ekki í staðin fyrir hefðbundið starfsleyfi til matvælavinnslu.
Faggildingarsvið Hugverkastofu faggildir vottunarstofur fyrir lífræna framleiðslu. Matvælastofnun fer með yfirumsjón með vottunarstofum og sér um eftirlit með innflutningi lífrænna vara frá löndum utan EES.
Ítarefni
- Upplýsingasíða ESB um lífræna framleiðslu og innflutning
- Upplýsingasíða Túns um vottun
- Reglugerð nr. 205/2023 um lífræna framleiðsla og merkingu lífrænna vara
- Reglugerð nr. 204/2023 um innflutning lífrænna afurða frá þriðju lönd
- Reglugerð nr. 203/2023 um efni og vörur sem leyfð eru í lífrænni framleiðslu