Fara í efni

Útflutningur búfjárafurða til 3. ríkja

Gerður er greinarmunur á útflutningi matvæla (dýraafurða) hvort sem varan er flutt til ríkis innan eða utan Evrópska efnahagssvæðisins (EES). Í EES löndum gildir sama matvælalöggjöfin og því eru matvæli í frjálsu flæði innan svæðisins. Því þarf ekki opinbert heilbrigðisvottorð með dýraafurðum til EES ríkja. 

Kröfur sem gerðar eru um vottun vegna afurða sem fluttar eru til þriðju ríkja (landa utan EES) byggjast á skilyrðum sem viðkomandi móttökuríki gerir. Í sumum tilfellum hafa farið fram sérstakar viðræður á milli dýralæknayfirvalda á Íslandi og móttökuríkja og jafnvel úttektir hér á landi áður en skilyrði og vottorðaform eru útfærð.

Heilbrigðisvottorð vegna útflutnings búfjárafurða til 3. ríkja

  1. Heilbrigðisvottorð skulu að gefin út áður en sending fer frá Íslandi. 
  2. Opinbert eftirlit með sendingu skal framkvæmt af Matvælastofnun áður en vottorð er gefið út. Fyrir hverja sendingu skal útflytjandi fylla út hleðslustaðfestingu vegna útflutnings búfjárafurða og senda ásamt fylgigögnum til MAST / héraðsdýralæknis viðeigandi umdæmis.

    Hleðslustaðfesting vegna útflutnings á kjöti og dýraafurðum öðrum en mjólk (EBL-077)
    - Hleðslustaðfesting vegna útflutnings á mjólkurvörum (EBL-022)

  3. Umsækjandi heilbrigðisvottorðs fyllir út viðeigandi vottorð og sendir rafrænt til Markaðsstofu Matvælastofnunar á utflutningur@mast.is. Afgreiðslutími heilbrigðisvottorða er á virkum dögum og skal vera a.m.k. 24 klst. Styttri afgreiðslutími er mögulegur fyrir ferskar afurðir.
  4. Sendandi (consignor) í heilbrigðisvottorði skal vera með kennitölu á Íslandi. Aðili með kennitölu á Íslandi getur verið skráður sendandi í heilbrigðisvottorði fyrir hönd erlendra aðila.
  5. Umsækjandi fær afhent eitt frumrit af vottorði og eitt afrit. Eitt afrit er geymt hjá Matvælastofnun. Hægt er að óska eftir fleiri afritum/skönnuðum afritum gegn sérstöku gjaldi
  6. Tilbúin vottorð verða afhent í móttöku á skrifstofu Markaðsstofu Matvælastofnunar að Dalshrauni 1B, 220 Hafnarfirði, þar sem hægt verður að nálgast þau eða fá þau send í almennum pósti skv. beiðni.
  7. Kostnaður vegna ofangreinds er skv. gjaldskrá MAST, þ.m.t. eftirlit með hleðslu sendingar og útgáfa vottorðs greiðist af útflytjanda.
Uppfært 10.11.2020
Getum við bætt efni síðunnar?