Þjónustugátt Matvælastofnunar
Í þjónustugátt Matvælastofnunar eru að finna allar umsóknir, beiðnir og tilkynningar sem berast eiga stofnuninni. Þar geta einstaklingar og aðilar haft yfirsýn og aðgang að öllum innsendum umsóknum, beiðnum og tilkynningum, séð stöðu innsendra erinda og átt samskipti við starfsmann málsins. Fyrirtæki geta veitt starfsmönnum sínum umboð í gegnum aðgangsstýringu Ísland.is til að senda inn umsóknir, beiðnir og tilkynningar í nafni fyrirtækisins. Jafnframt er hægt að senda inn gögn sem tilheyra innsendu erindi.
Samskipti við starfsfólk
Matvælastofnun tekur ábendingum og gagnrýni viðskiptavina alvarlega og leggur áherslu á opin og málefnaleg samskipti. Athugasemdir við málsmeðferð er eðlilegur hluti af starfsemi stofnunarinnar. Slík gagnrýni þarf þó að beinast að málinu og málefnalegum atriðum, en ekki að einstaklingum. Við hvetjum því alla sem eiga erindi við stofnunina til að koma sjónarmiðum sínum á framfæri á málefnalegan og uppbyggilegan hátt. Gengið er út frá því að samskipti starfsfólks og viðskiptavina einkennist af kurteisi og virðingu. Orðljót, móðgandi eða ógnandi samskipti, persónulegar árásir eða samskipti sem einkennast af útlendingahatri, fordómum eða mismunun verða ekki liðin.