Auglýsing um andmælarétt vegna verndar afurðarheita

Þann 4. júní 2021 luku Ísland, Liechtenstein og Noregur (þau þrjú aðildarríki EFTA sem eiga aðild að samningnum um Evrópska efnahagssvæðið) og Bretland efnislegum samningaviðræðum um heildstæðan fríverslunarsamning en samningurinn nær til flestra sviða viðskipta á milli ríkjanna. Bretland sem er mikilvægur viðskiptaaðili fyrir öll þrjú EFTA-ríkin innan EES og miðar þessi fríverslunarsamningur að því að tryggja eins náin viðskiptatengsl og unnt er í kjölfar útgöngu Bretlands úr Evrópska efnahagssvæðinu.

Fríverslunarsamningurinn var samþykktur á Alþingi í mars 2022 og tók endanlega gildi 1. febrúar 2023.

Listi yfir bresk afurðarheiti var síðast birtur árið 2015, en nú birtir stofnunin viðbætur við listann, þ.e. ný afurðarheiti sem verndar skulu njóta hérlendis, sem fram koma á bls. 857 í Viðauka 24 í Fríverslunarsamningnum.

Samkvæmt samningnum skal Matvælastofnun auglýsa lista yfir þau afurðarheiti sem verndar munu njóta hér á landi, auk upplýsinga um hvar nálgast megi afurðarlýsingu fyrir viðkomandi matvæli, en um þetta má sjá í Viðauka 24 í Fríverslunarsamningnum. Sjá nánar neðangreindar viðbætur:

• Ayrshire New Potatoes / Ayrshire Earlies (Fruit, vegetables and cereals fresh/processed)
• Carmarthen Ham (Meat products)
• Conwy Mussels (Fresh fish, molluscs and crustaceans anda products derived there from)
• London Cure Smoked Salmon (Fresh fish, molluscs & crustaceans and products derived there from)
• Lough Neagh Pollan (Fresh fish, molluscs, and crustaceans and products derived there from)
• The Vale of Clwyd Denbigh Plum (Fruit, vegetables and cereals fresh or processed)
• Traditional Ayrshire Dunlop (Cheeses)
• Traditional Welsh Caerphilly/Traditional Welsh Caerffili (Cheeses)
• Traditional Welsh Cider (Apple cider)
• Traditional Welsh Perry (Pressed juice of perry pears)
• Vale of Evesham Asparagus (Fruit, vegetables and cereals, fresh or processed)
• Welsh Laverbread (Cooked laver)
• West Wales Coracle Caught Salmon (Fresh Fish, molluscs, and crustaceans and products derived there from)
• West Wales Coracle Caught Sewin (Fresh Fish, molluscs, and crustaceans and products derived there from)

Matvælastofnun auglýsir hér með eftir andmælum gegn því að heiti þau sem listuð eru á heimasíðu stofnunarinnar (Auglýsing um andmælarétt vegna verndar afurðarheita) öðlist vernd á Íslandi. Andmæli skulu vera skrifleg og berast á netfangið mast@mast.is eða til Matvælastofnunar, Austurvegi 64, 800 Selfoss, fyrir 16. júní 2024.

Ítarefni:

• Auglýsing um andmælarétt vegna verndar afurðarheita
• Lög um vernd afurðarheita sem vísa til uppruna, landsvæðis eða hefðbundinnar sérstöðu, nr. 130/2014
• Fríverslunarsamningur Íslands, Liechtensten og Noregs við Bretland, m.a. um vernd landfræðilegra merkinga landbúnaðarafurða og matvæla
• Auglýsing Matvælastofnunar um andmælarétt vegna afurðarheita dags. 30.6.2015
• Listi yfir afurðarheiti sem njóta verndar á Íslandi (á ensku)