Varnarefni yfir leyfilegum mörkum í ávöxtum
Frétt -
05.09.2023
Matvælastofnun varar við neyslu á Langsat bón bón ávöxtum sem Dai Phat flutti inn vegna þess að varnarefnaleifar (Carbaryl) mældust yfir leyfilegum mörkum. Fyrirtækið hefur í samráði við heilbrigðiseftirlit Reykjavíkur innkallað allar framleiðslulotur af ávöxtunum þar sem neysla á þeim getur haft neikvæð heilsufarleg áhrif.
Innköllunin á við allar framleiðslulotur:
- Vöruheiti: Langsat bón bón.
- Lotunúmer: Allar lotur
- Innflytjandi: Dai Phat Trading ehf., Faxafeni 14, 108 Reykjavík.
- Framleiðandi: Thien Kim Trading Co.,Ltd
- Framleiðsluland: Vietnam
- Dreifing: Asian Supermarket, Faxafeni 14
Neytendum sem keypt hafa vöruna er bent á að neyta hennar ekki heldur farga eða skila henni til verslunarinnar gegn endurgreiðslu.