Riða á einum bæ til viðbótar á Tröllaskaga

Riðusmit hefur verið staðfest á einum bæ til viðbótar í Tröllaskagahólfi. Bærinn heitir Minni-Akrar og er staðsettur í Akrahreppi í Skagafirði. Matvælastofnun vinnur nú að öflun upplýsinga og undirbúningi aðgerða.

Tilfellið var staðfest í sýni sem tekið var í sláturhúsi og greint á Tilraunastöð Háskóla Íslands að Keldum. Á búinu er nú um hundrað fjár.

Matvælastofnun ítrekar að flutningar fjár innan Tröllaskagahólfs og frá hólfinu eru bannaðir. Matvælastofnun hvetur bændur til þess vera vakandi fyrir einkennum riðuveiki í kindum sínum og hafa þá samband við héraðsdýralækni sem sér til þess að sýni séu tekin. Einnig er bændum bent á að hafa samband vegna sýnatöku úr fé sem drepst eða er aflífað sökum slysa eða annarra sjúkdóma. Sýnatakan er bændum að kostnaðarlausu.

Ítarefni

• Upplýsingasíða Matvælastofnunar um riðuveiki
• Listi yfir riðutilvik síðustu 20 ára
• Aðgerðir hafnar vegna riðuveiki í Skagafirði - frétt Matvælastofnunar 06.11.20
• Útbreiðsla riðu á þrjá bæi staðfest - frétt Matvælastofnunar 27.10.20
• Útbreiðsla riðu í Tröllaskagahólfi - frétt Matvælastofnunar 23.10.20
• Grunur um nýtt riðutilfelli í Skagafirði - frétt Matvælastofnunar 16.10.20
• Riða í Skagafirði staðfest - frétt Matvælastofnunar 22.10.20