Ítrekun vegna skráningar á ræktun matjurta
Frétt -
08.01.2014
Athugið að þessi frétt er ársgömul eða eldri.
Matvælastofnun ítrekar að þeir sem stunda ræktun matjurta í atvinnuskyni eiga samkvæmt matvælalögum að skrá starfemina sbr. frétt frá 18.12.2013. Stofnunin hvetur ræktendur matjurta til að skrá starfsemi sína eigi síðar en 15. janúar 2014 í gegnum þjónustugátt stofnunarinnar. Matvælastofnun heldur skrá um ræktendur matjurta sem selja afurðir sínar á almennum markaði. Einnig skal tilkynna breytingar á starfseminni til stofnunarinnar s.s. ræktun óskyldra tegunda og stöðvun starfsemi.
Tíðni eftirlits verður ákvörðuð með áhættumati sem byggir á magni, tegund matjurta og starfsemi. Samhliða skráningunni fer fram söfnun upplýsinga sem notaðar verða við slíkt áhættumat.Nánari upplýsingar er að finna hér að neðan.