Galli í dósum með maískorni
Frétt -
13.06.2013
Athugið að þessi frétt er ársgömul eða eldri.
Matvælastofnun hefur fengið upplýsingar frá Heilbrigðiseftirliti Hafnarfjarðar- og Kópavogssvæðis um innköllun á Ora Maískorni vegna galla í dósum. Innköllunin er framkvæmd í varúðarskyni en hluti framleiðslunnar var með galla í lokun dósa. Fjórar lotur með neðangreindri Best fyrir dagsetningu hafa verið innkallaðar.
- Vöruheiti: Ora maísbaunir
- Ábyrgðaraðili; framleiðandi, innflytjandi og/eða dreifingaraðili: Ora, Vesturvör 12, 200 Kópavogur
- Auðkenni/skýringartexti: 430 gr dós með Best fyrir dagsetningu 1604 2017/galli í lokun dósa.
- Lagaákvæði: Reglugerð nr.102/2010 gr. 14 um öryggi matvæla.
- Dreifing: Um allt land.
Neytendum sem keypt hafa vöruna með þessari dagsetningu er bent á að þeir geta skilað vörunni til þeirrar verslunar sem hún var keypt í.