Fuglaflensa á Englandi

Þann 13. nóvember s.l. greindist alvarlegt afbrigði af fuglaflensu á kalkúnabúi í Suffolk í Englandi. Öllum fuglum á búinu var lógað. Faraldsfræðilegum upplýsingum var safnað og í kjölfar þess voru fjögur önnur bú skilgreind sem áhættubú. Ákvörðun var síðan tekin um að lóga einnig öllum fuglum á þeim. Smitleið hefur ekki verið staðfest en rannsókn á veirunni hefur sýnt að hún er mjög lík þeim veirum sem greindust í Tékklandi, Þýskalandi og Frakklandi á þessu ári.

Landbúnaðarstofnun fylgist náið með þróun mála í Bretlandi þar sem vetrarstöðvar margra íslenskra farfugla eru. Engin ástæða er þó til að grípa til sérstakra varúðarráðstafana hér á landi núna þar sem að á þessum árstíma eru fuglar ekki að koma til landsins. Fólk sem er á ferð um svæði þar sem fuglaflensa hefur greinst er þó minnt á að gæta smitvarna, forðast snertingu við fugla, flytja ekki með sér til Ísland neitt sem smitið getur borist með og fara ekki inn á fuglabú hér fyrstu 48 klst eftir komu til landsins.