Flutningur á líflömbum
Frétt -
01.07.2019
Athugið að þessi frétt er ársgömul eða eldri.
Matvælastofnun hefur ákveðið að framlengja frest til þess að sækja um leyfi til flutnings líflamba á milli landssvæða til 7. júlí.
Sótt er um leyfi til líflambaflutnings rafrænt inni á Þjónustugátt á heimasíðu Matvælastofnunar www.mast.is
Vakin er athygli á því að á riðusvæðum þar sem riða hefur greinst undanfarin 20 ár er bannað að flytja lifandi fé á milli hjarða. Eftirfarandi varnarhólf teljast sýkt
- Landnámshólf að hluta - Sveitarfélögin Ölfus, Hveragerði og Árborg og Grafningur í Grímsnes- og Grafningshreppi teljast sýkt
- Vatnsneshólf
- Húna- og Skagahólf
- Tröllaskagahólf að hluta til - Dalvíkurbyggð norðan Hámundarstaða telst sýkt svæði.
- Skjálfandahólf að hluta – öll svæði önnur en Skútustaðahreppur, Engidalur og Lundarbrekka og bæir þar fyrir sunnan teljast sýkt.
- Suðurfjarðahólf
- Hreppa-, Skeiða- og Flóahólf
- Biskupstungnahólf