Eftirlitsmenn með framleiðendum sjávarafurða

Matvælastofnun óskar eftir að ráða tvo starfsmenn í fullt starf við eftirlit með framleiðslu sjávarafurða. Starfsstöð þessara starfsmanna verður á Sauðárkróki.

Starfsmennirnir munu heyra undir skrifstofu matvælaöryggis og neytendamála sem að öðru leyti hefur aðsetur í aðalskrifstofu MAST á Selfossi.

Matvælastofnun mun frá 1. mars 2011 taka yfir allt eftirlit með framleiðendum sjávarafurða sem að hluta til hefur verið í höndum faggiltra skoðunarstofa. Starfið mun útheimta umtalsverð ferðalög innanlands.

• Skoðanir hjá leyfishöfum, þ.e. landvinnslum, vinnslu-, frysti- og öðrum fiskiskipum
• Úttektir á innra eftirliti (HACCP) hjá leyfishöfum
• Eftirlit með löndunaraðstöðu og aflameðferð
• Þátttaka í úttektum vegna leyfisumsókna
• Þátttaka í aðgerðum vegna samræmingar eftirlits
• Samskipti við leyfishafa
• Skýrslugerð og frágangur gagna í gagnagrunn
• Önnur verkefni sem starfsmanni eru falin

Menntunar- og hæfniskröfur:

• Háskólamenntun eða önnur framhaldsmenntun sem nýtist í starfi.
• Reynsla á sviði eftirlits með framleiðslu sjávarafurða byggt á HACCP aðferðafræðinni
• Þekking á lögum og gerðum EES um matvæli og fóður er kostur
• Nákvæmni, frumkvæði og sjálfstæði í starfi
• Góð framkoma og lipurð í mannlegum samskiptum
• Góðir skipulagshæfileikar
• Góð tölvu- og tungumálakunnátta

Nánari upplýsingar um starfið veita Sigurður Örn Hansson og Hafsteinn Jóh. Hannesson og í síma 530-4800. Umsóknum ásamt ferilskrá og öðrum nauðsynlegum upplýsingum skal skilað til Matvælastofnunar, Austurvegi 64, 800 Selfoss, merktum “Eftirlitsmaður–Sauðárkrókur” eða með tölvupósti á mast@mast.is en umsóknarfrestur er til og með 26. janúar 2011. Öllum umsóknum verður svarað. Launakjör eru samkvæmt kjarasamningi opinberra starfsmanna.