Búvörusamningar - lög og reglugerðir
Um áramót taka gildi nýir búvörusamningar og rammasamningur milli bænda og stjórnvalda. Um er að ræða samninga um starfskilyrði í nautgriparækt, sauðfjárrækt og garðyrkju og rammasamning um almennan stuðning við landbúnað milli ríkis og bænda.
Matvælastofnun er falið viðamikið hlutverk við framkvæmd samninganna. Búnaðarstofa Matvælastofnunar hefur unnið að innleiðingu búvörusamninganna og rammasamningsins og tók samhliða þátt í reglugerðarvinnu sem fór fram á vegum atvinnuvega- og nýsköpunarráðuneytisins um nánari útfærslu samninganna. Sú vinna hefur staðið yfir frá því breytingar á búvörulögum og búnaðarlögum voru samþykktar á Alþingi í september sl. Reglugerðir í nautgriparækt hafa verið sameinaðar í eina, en voru áður þrjár talsins. Auk þess hafa allir viðaukar verið settir inn í reglugerðirnar sjálfar með kaflaskiptingu.
Öll rafræn eyðublöð í tengslum við stuðningsgreiðslur í landbúnaði er að finna í Þjónustugátt MAST í 7. kafla Búnaðarmál – stuðningsgreiðslur. Um er að ræða eftirfarandi umsóknir:
- 7.01 Aðilaskipti að greiðslumarki mjólkur
- 7.02 Aðilaskipti að greiðslumarki sauðfjár
- 7.03 Breyting á reikningsnúmeri
- 7.04 Handhafaskráning beingreiðslna gripagreiðslna
- 7.05 Handhafaskráning beingreiðslna grænmetis
- 7.06 Handhafaskráning beingreiðslna sauðfjár
- 7.07 Handhafaskráning beingreiðslna mjólkur
- 7.08 Rétthafaskráning vegna gæðastýrðrar sauðfjárframleiðslu
- 7.09 Gripagreiðslur – Umsókn
- 7.10 Tilkynning um breytingu á umráðamönnum búfjár
- 7.11 Þátttaka í afurðaskýrsluhaldi í sauðfjárrækt
- 7.12 Þátttaka í afurðaskýrsluhaldi í nautgriparækt
Hér að neðan má nálgast útgefnar reglugerðir, lög og samninga í tengslum við nýju samningana:
Samningar og lög
- Nýir búvörusamningar 2017-2026
- Ný búvörulög
- Ný búnaðarlög
- Breytingar á búvöru- og búnaðarlögum sem taka gildi 1. janúar eru ekki komnar inn í lagasafnið en hér má finna breytingarnar. Lagasafnið verður uppfært fljótlega á nýju ári.
Reglugerðir
- Reglugerð 1150/2016 um stuðning við nautgriparækt
- Reglugerð 1234/2016 um stuðning við garðyrkju
- Reglugerð 1151/2016 um stuðning við sauðfjárrækt
- Reglugerð um breytingu á reglugerð um gæðastýringu í sauðfjárrækt (vegna búvörusamninganna - nr. 1229/2016)
- Stofnreglugerð um gæðastýrða sauðfjárrækt nr. 1160/2013
- Reglugerð 1240/2016 um almennan stuðning við landbúnað (rammareglugerð)