Innköllun á Frugt til Smoothies vegna framleiðslugalla

Matvælastofnun hefur fengið upplýsingar í gegnum heilbrigðiseftirlit Reykjavíkur um innköllun á vöru vegna framleiðslugalla.

Aðföng hafa tilkynnt matvælaeftirliti Heilbrigðiseftirlits Reykjavíkur um innköllun á ávaxtablöndunni Frugt til Smoothies „Exotic Yellow“ þar sem aðskotahlutur fannst í einni pakkningu af vörunni.  Um er að ræða varúðarráðstöfun og einskorðast innköllunin eingöngu við vöru með eftirfarandi upplýsingum:

Tegund innköllunar:  Aðskotahlutur. Vöruheiti:  Frugt til Smoothies „Exotic Yellow“. Umbúðir:  Poki. Nettóþyngd:  391 g Framleiðandi:  Zhejiang Zhongda Newland Co. Ltd. Í Kína fyrir Dansk Supermarked A/S í Danmörku. Geymsluskilyrði:  Frystivara. Best fyrir:  14.10.2011 (prentað neðst á bakhlið). Pökkunardagur:  14.04.2010. Strikanúmer:  5701012876748.   Dreifing:  Verslanir Bónuss og Hagkaupa um land allt.

Frugt til Smoothies „Exotic Yellow“ með ofangreindri best fyrir merkingu er ekki lengur á markaði. Neytendur sem eiga  í fórum sínum Frugt til Smoothies „Exotic Yellow“ með ofangreindri best fyrir merkingu eru beðnir um að hafa samband við Aðföng í síma 530 5645 eða á netfangið gaedastjori hjá adfong.is.