Styrkir ætlaðir vottuðum lífrænum bændum
Frétt -
31.01.2025
Athugið að þessi frétt er ársgömul eða eldri.
Matvælaráðuneytið hefur opnað fyrir umsóknir um styrki til tækjakaupa fyrir vottaða lífræna bændur. Þessir styrkir eru ætlaðir til kaupa á sérhæfðum búnaði sem stuðlar að aukinni framlegð í lífrænum landbúnaði og/eða bættri nýtingu lífræns áburðar. Helstu dæmi eru róbótar, niðurfellingarbúnaður til áburðardreifingar, tæki til safnhaugagerðar, tækni fyrir nákvæmnislandbúnað, illgresishreinsarar og önnur tæki sem uppfylla framangreind markmið.
Bændur sem eru í aðlögun að lífrænni ræktun geta einnig sótt um styrk. Mast hvetur áhugasama til að kynna sér styrkina betur á vef Matvælaráðuneytisins.