Sjúkdómaskimun í alifuglum árið 2007
Frétt -
06.03.2008
Athugið að þessi frétt er ársgömul eða eldri.
Á árinu 2007 voru tekin 207 blóðsýni úr alifuglum á 20 býlum víðsvegar um landið. Leitað var að mótefnum við eftirtöldum sjúkdómum:
- Fuglaflensu (Avina Influensa)
- Smitandi Newcastleveiki (Newcastle Disease)
- Smitandi kverka- og barkabólgu (Infectious Laryngotracheitis)
- Nef- og barkabólgu (Avian Rhinotracheitis)
- Fuglakregðu (Mycoplsama gallisepticum)
Engin mótefni mældust við fuglaflensu, nef- og barkabólgu og fuglakregðu. Eitt sýni mældist með mótefni við Newcastleveiki sem reyndist svo neikvætt við endurtekna blóðtöku. Sjö sýni frá fjórum býlum mældust með mótefni við smitandi kverka- og barkabólgu sem síðar reyndust svo neikvæð við nánari rannsókn. Þetta eru svipaðar niðurstöður og undanfarin ár og gefa til kynna góða smitsjúkdómastöðu í alifuglum á Íslandi.