Vanmerktur ofnæmis- og óþolsvaldur í hrásalati
Innkallanir -
29.10.2012
Athugið að þessi frétt er ársgömul eða eldri.
Matvælastofnun hefur fengið eftirfarandi upplýsingar frá matvælaeftirliti Heilbrigðiseftirlits Reykjavíkur um að það hafi stöðvað sölu og innkallað frá neytendum eftirfarandi matvæli:
- Vörumerki: Hollt og Gott ehf.
- Vöruheiti: Hrásalat.
- Ábyrgðaraðili; framleiðandi, innflytjandi og/eða dreifingaraðili: Hollt og Gott ehf., Fosshálsi 1, 110 Reykjavík.
- Auðkenni/skýringartexti: Á umbúðum vörunnar frá Hollt og Gott ehf. eru upplýsingar um innihald hennar en ekki er tilgreint að hún inniheldur mjólkurafurð. Mjólk og mjólkurafurðir eru á lista yfir ofnæmis- og óþolsvalda. Samkvæmt matvælalöggjöfinni eiga ofnæmis- og óþolsvaldar að vera skýrt merktir í merkingum matvæla. Strikanúmer 5690350033206.
- Laga- /reglugerðarákvæði: 5. og 13. gr. reglugerðar nr. 503/2005 um merkingu matvæla, með síðari breytingum, sbr. og viðauka við reglugerð nr. 631/2010 um breytingu á reglugerð nr. 503/2005. 8. og 30. gr. laga nr. 93/1995 um matvæli, með síðari breytingum.
- Áætluð dreifing innanlands: N1, Olís, 10-11, Hagkaup, Vöruval, Kassinn, Verslun Einars Ólafs, Kassinn Ólafsvík, Brekkan, Stöðvarfirði, Rangá, Miðbúðin, Melabúðin, Nesval.