Ólögleg innihaldsefni í fæðubótarefnum
Matvælastofnun hefur fengið vitneskju um að matvælaeftirlit Heilbrigðiseftirlits Reykjavíkur hefur stöðvað sölu á fæðubótarefnum sem seld eru á netinu. Sumar vörurnar innihalda B flokkuð efni sem þarf að flokka hjá Lyfjastofnun og aðrar vörur innihalda efni sem ekki eru leyfð í fæðubótarefnum.
Vörumerki: MusclePharm.
Vöruheiti: Assault, Re-Con, Armor-V, Shred Matrix og Battle Fuel.
Ábyrgðaraðili; framleiðandi, innflytjandi og/eða dreifingaraðili: Vörurnar eru framleiddar af MusclePharm í Bandaríkjunum. Innfluttar til Íslands og dreift af Rúma ehf., Tröllaborgum 16, Reykjavík.
Auðkenni/skýringartexti: Um er að ræða fæðubótarefni. Vörurnar innihalda B-flokkuð innihaldsefni, innihaldsefni sem þarfnast flokkunar Lyfjastofnunar, óleyfileg steinefni og viðbætt koffín. Assault, Armor-V og Battle Fuel þarf að senda til flokkunar hjá Lyfjastofnun nú þegar enda innihalda vörurnar B-flokkuð innihaldsefni og innihaldsefni sem þarfnast flokkunar. Á meðan mega þær ekki vera í dreifingu. Leiki vafi á því hvort einstök efnasambönd teljist lyf sker Lyfjastofnun úr. MusclePharm Re-Con inniheldur óleyfilegt steinefni (vanadium) og Shred Matrix inniheldur viðbætt koffín.
Laga- /reglugerðarákvæði: Reglugerð nr. 624/2004 um fæðubótarefni, með síðari breytingum. 1. gr. reglugerðar nr. 906/2008 um breytingu á reglugerð nr. 587/1993 um bragðefni í matvælum, með áorðnum breytingum. 11. og 30. gr. laga nr. 93/1995 um matvæli, með síðari breytingum.
Áætluð dreifing innanlands: MusclePharm á Íslandi á Fésbók
Ítarefni