Mjólk í vegan No Cheese pizzum
Innkallanir -
03.02.2020
Athugið að þessi frétt er ársgömul eða eldri.
Matvælastofnun varar neytendur með mjólkurofnæmi og -óþol og vegan neytendur við neyslu á tveimur gerðum af No Cheese vegan pizzum. Varan getur innihaldið mjólk án þess að það komi fram á umbúðum. Fyrirtækið Samkaup hf. hefur innkallað pizzurnar, í samráði við Heilbrigðiseftirlit Suðurnesja.
Matvælastofnun fékk upplýsingar um vörurnar í gegnum RASFF hraðvirðvörunarkerfi Evrópu og gerði heilbrigðiseftirlitinu viðvart.
Innköllunin á við allar lotur og best fyrir dagsetningar á neðangreindum vörum:
- Vörumerki: No Cheese
- Vöruheiti: Houmous Style Sauce Pizza og Mediterranean Garden Pizza
- Framleiðandi: Iceland Ltd.
- Innflytjandi: Samkaup hf.
- Framleiðsluland: Bretland
- Lotunúmer/best fyrir dagsetningar: Allar framleiðslulotur/dagsetningar
- Geymsluskilyrði: Frystivara
- Dreifing: Iceland verslanir í Arnarbakka, Engihjalla, Glæsibæ, Hafnarfirði og Vesturbergi
Neytendur geta skilað vörunni í næstu Iceland verslun gegn endurgreiðslu.