Listeria monocytogenis í Enoki sveppum
Innkallanir -
28.04.2026
Matvælastofnun varar við neyslu á Enoki sveppum frá Kína sem Fiska ehf. hefur flutt inn vegna listeríu. Fyrirtækið hefur innkallað vöruna í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes ( HEF).
Tilkynning kom til Íslands í gegnum RASFF hraðviðvörunarkerfi Evrópu um hættuleg matvæli og fóður á markaði.
Allar best fyrir dagsetningar eru innkallaðar:
- Vörumerki: MAO XIONG
- Vöruheiti: Enoki mushroom
- Best fyrir: Allar dagsetningar
- Nettómagn: 100g
- Geymsluskilyrði: Kælivara
- Framleiðandi: Shenzhen, Guangdong Province, China
- Heiti og heimilisfang fyrirtækis sem innkallar vöru: Fiska.is Nýbýlavegi 6 200 Kópavogur
Viðskiptavinum er bent á að farga eða koma með vöruna til Fiska til að fá endurgreitt.