Grunur um salmonellu í kjúklingi

Matvælastofnun varar við neyslu á ferskum kjúklingi (heilum kjúklingi, bringum, lundum og bitum) frá Reykjagarði með rekjanleikanúmerunum 002-20-26-3-01 og 003-20-26-2-01 vegna gruns um salmonellu. Kjúklingurinn er seldur undir merkjum Holta, Kjörfugls og Krónunnar. Fyrirtækið hefur hafið innköllun.

Innköllunin nær eingöngu til eftirfarandi framleiðslulota:

• Vöruheiti: Holta, Kjörfugl og Krónu kjúklingur
• Vörutegund: Heill fugl, bringur, lundir, bitar
• Framleiðandi: Reykjagarður hf., Fosshálsi 1, 110 Reykjavík
• Rekjanleikanúmer: 002-20-26-3-01 og 003-20-26-2-01
• Dreifing: Iceland verslanir, Hagkaups verslanir, Krónan, KR Vík, Kjarval, Nettó, Costco, Baskó/10-11 Austurstræti, Bjarnabúð, Kaupfélag Vestur-Húnvetninga, Kaupfélag Skagfirðinga Sauðárkróki; Kjörbúðin Dalvík, Djúpavogi, Eskifirði, Grundarfirði, Neskaupsstað og Skagaströnd; Krambúðin Búðardal og N1 Akranesi, Borgarnesi, Staðarskála

Neytendur sem hafa keypt kjúklinga með þessum rekjanleikanúmerum geta skilað þeim til viðkomandi verslunar eða beint til Reykjagarðs hf. að Fosshálsi 1, 110 Reykjavík.

Ítarefni

• Fréttatilkynning Reykjagarðs
• Upplýsingasíða Matvælastofnunar um meðhöndlun á hráum kjúklingi
• Þessum upplýsingum átt þú rétt á - upplýsingaspjald Matvælastofnunar um merkingar matvæla
• Listi Matvælastofnunar yfir innkallanir
• Neytendavakt Matvælastofnunar á Facebook

Uppfært 05.08.20 kl. 14:19