Fara í efni

Flæði melamíns yfir mörkum í diskasetti fyrir börn

Athugið að þessi frétt er ársgömul eða eldri.

Matvælastofnun varar við diskasetti fyrir börn vegna of mikils flæðis melamíns úr settinu yfir í matvæli. Skjaldbaka.is hefur innkallað vöruna í samráði við Heilbrigðiseftirlit Reykjavíkur.

Matvælastofnun fékk upplýsingar um vöruna í gegnum evrópska viðvörunarkerfi RASFF. Í reglubundnu markaðseftirliti í Frakklandi var athugað hversu mikið melamin fór úr vörunni í matvæli og reyndist magnið vera 2,9 mg/kg (ppm). Samkvæmt löggjöf um matvælasnertiefni má flæði melamín úr efnum og hlutum sem ætlað er að snerta matvæli ekki fara yfir 2,5mg/kg (ppm).

Innköllunin á eingöngu við um eftirfarandi framleiðsulotu:

  • Vörumerki: Vulli - Sophie la girafe 
  • Vörulína: So Pure
  • Vöruheiti: Coffret repas naturel, Natural Meal time set
  • Vörulýsing: Diskasett úr plasti sem samanstendur af diski, skál, bolla og skeið
  • Strikanúmer: 3056562201246 
  • Lotunúmer: 897275
  • Framleiðsluland: Kína
  • Innflytjandi: Skjaldbaka.is
  • Dreifing: www.heimkaup.is og Lyf & Heilsa

Viðskiptavinum sem hafa keypt vöruna er bent á að hætta notkun hennar og farga eða skila henni í þeirri verslun þar sem hún var keypt. Nánari upplýsingar má nálgast hjá skjaldbaka.is, s. 8476630 eða í tölvupósti: skjaldbaka@skjaldbaka.is.

Ítarefni


Getum við bætt efni síðunnar?