Fiskréttur vanmerktur ofnæmis- og óþolsvöldum
Innkallanir -
11.11.2022
Athugið að þessi frétt er ársgömul eða eldri.
Matvælastofnun varar neytendur við sem eru með ofnæmi eða óþol við Fiski í mangó karrýsósu frá Fiskverslun Hafliða vegna vanmerkinga á ofnæmis- og óþolsvöldum þ.e. sellerí og einnig getur varan innihaldið snefil af eggjum, glúteni og sinnepi. Fyrirtækið Icelandic Food Company ehf. hefur í samráði við heilbrigðiseftirlit Reykjavíkur stöðvað sölu á vörunni og innkallað frá neytendum.
Innköllunin á við allar best fyrir dagsetningar:
- Vörumerki: Fiskverzlun Hafliða
- Vöruheiti: Fiskur í mangó karrýsósu
- Geymsluþol: Best fyrir Dagsetning: Allar best fyrir dagsetningar
- Strikamerki: 2394013007148
- Geymsluskilyrði: Kælivara
- Framleiðandi: Icelandic Food Company ehf., Vatnagörðum 6, 104 Reykjavík.
- Framleiðsluland: Ísland
- Fyrirtæki: Icelandic Food Company ehf., Vatnagörðum 6, 104 Reykjavík.
- Dreifing: Verslanir Krónunnar um land allt.
Neytendum, sem eru með ofnæmi eða óþol fyrir sellerí, eggjum, glúteni og sinnepi er bent á að neyta hennar ekki, farga eða skila henni í næstu Krónu verslun.