Aðskotahlutur í kókosolíu
Innkallanir -
23.12.2014
Athugið að þessi frétt er ársgömul eða eldri.
Matvælastofnun hefur fengið upplýsingar frá heilbrigðiseftirlitinu í Reykjavík um innköllun á kókosolíu vegna aðskotahlutar. Kókosolían er í 200g glerkrukku merkt Himneskt og er frá fyrirtækinu Aðföngum sem hefur innkallað eina lotu. Innköllunin varðar eingöngu best fyrir dagsetninguna 31.07.2016, en hún er áletruð ofan á lok krukkunnar.
- Vöruheiti: HIMNESKT Lífræn kókosolía
- Strikamerki: 5690350059947
- Nettóþyngd: 200g
- Best fyrir dagsetningar: 31-07-2016
- Dreifing: Verslanir Bónusar, Hagkaupa, Stórkaupa, matvöruversluna KS, 10-11 og Gló Fákafeni.
Viðskiptavinum sem keypt hafa vöruna er bent á að þeir geta skilað henni í verslunina þar sem hún var keypt gegn fullri endurgreiðslu.