Fara í efni

Útgáfa rekstrarleyfis vegna fiskeldis til Eldisstöðvarinnar Ísþórs í Þorlákshöfn

Matvælastofnun hefur veitt Eldisstöðinni Ísþór hf. rekstrarleyfi til fiskeldis að Nesbraut 25 í Þorlákshöfn. Matvælastofnun auglýsti tillögu að rekstrarleyfi á vef stofnunarinnar þann 12. janúar 2021 og var frestur til að skila inn athugasemdum til 9. febrúar 2021.

Eldisstöðin Ísþór sótti um nýtt rekstrarleyfi vegna 1.800 tonna hámarkslífmassa í seiðaeldi á laxi og regnbogasilungi að Nesbraut 25, Þorlákshöfn. Umsókn um nýtt rekstrarleyfi var móttekin þann 11. september 2020. Úttekt starfsstöðvar hefur farið fram og staðfestir Matvælastofnun gildistöku rekstrarleyfis Eldisstöðvarinnar Ísþórs, FE-1162, en starfsemin er einnig háð starfsleyfi Umhverfisstofnunar.

Framkvæmd fyrirtækisins fór í gegnum mat á umhverfisáhrifum í samræmi við lög um mat á umhverfisáhrifum.

Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.

Ítarefni


Getum við bætt efni síðunnar?