Útflutningur fiskeldisafurða til Ástralíu mögulegur
Matvælastofnun heldur opinn upplýsingafund um útflutning fiskeldisafurða til Ástralíu miðvikudaginn 13. september kl. 13.
Fundurinn verður haldinn á Teams og er ætlaður hagaðilum og öðrum áhugasömum um málefnið. Hlekkinn er að finna neðst í fréttinni.
Fundurinn er haldinn í tilefni þess að áströlsk yfirvöld hafa tilkynnt Matvælastofnun að nú teljist Ísland uppfylla skilyrði sem gilda um laxfiskafurðir sem fluttar eru til Ástralíu. Leyfið á sér langan aðdraganda, en áströlsk yfirvöld hafa gert úttekt á sjúkdómastöðu eldisfisks (laxfiska) og í kjölfarið heimilað innflutning á fiskeldisafurðum frá Íslandi til Ástralíu að uppfylltum ákveðnum kröfum.
Á fundinum verður farið yfir aðdraganda málsins, skilyrðin sem í gildi eru, úttektir og leyfisveitingar framleiðenda og vottun afurða.
Nánari upplýsingar um útflutning til Ástralíu er að finna á vef MAST