Flutningur á líflömbum
Frétt -
23.06.2016
Athugið að þessi frétt er ársgömul eða eldri.
Frestur til þess að sækja um leyfi til þess að flytja líflömb milli landssvæða samkvæmt reglugerð nr. 550/2008 rennur út 1. júlí. Sótt er um leyfi til líflambaflutnings rafrænt inn á Þjónustugátt á heimasíðu Matvælastofnunar www.mast.is
Vakin er athygli á því að á riðusvæðum þar sem riða hefur greinst undanfarin 20 ár er bannað að flytja lifandi fé á milli hjarða.
Í samráði við Landssamtök sauðfjárbænda mun Matvælastofnun ekki leyfa flutning inn líflambasölusvæði í þeim tilgangi að vernda þessi verðmætu hólf gegn smitsjúkdómum.