Vanmerktur ofnæmis- og óþolsvaldur í hummus

Matvælaeftirlit Heilbrigðiseftirlits Reykjavíkur greinir frá vanmerktum ofnæmis- og óþolsvöldi í hummus. Innihaldsefni úr sesamfræjum koma ekki fram á umbúðunum. Um er að ræða Lúxus hummus frá Yndisauka og Jóa Fel Hummus sem framleitt er fyrir Hagkaup. Fyrirtækin hafa ákveðið að endurbæta umbúðamerkingarnar og fengu til þess frest til 31. ágúst.