Vanmerktar ostaslaufur
Frétt -
08.09.2021
Athugið að þessi frétt er ársgömul eða eldri.
Matvælastofnun varar við einni framleiðslulotu af ostaslaufum frá Myllunni en vegna mistaka í pökkun var önnur tegund sett í umbúðirnar sem inniheldur ofnæmis og óþolsvalda (hnetur og soja). Í varúðarskyni innkallar fyrirtækið vöruna með aðstoð heilbrigðiseftirlitsins í Reykjavík og sendir út fréttatilkynningu. Rétta varan er með birkifræjum.
Innköllunin á einungis við um eftirfarandi framleiðslulotu:
- Vörumerki: Myllan
- Vöruheiti: Ostaslaufur
- Geymsluþol: Best fyrir dagsetninga: 10.09.2021
- Strikamerki: 5690568014967
- Nettómagn: 4 stk
- Geymsluskilyrði: Á ekki við
- Framleiðandi: Myllan, Blikastaðavegi 2, 112 Reykjavík
- Framleiðsluland: Ísland
- Dreifing: Verslanir um allt land
Neytendum sem keypt hafa vöruna og eru með ofnæmi eða óþol fyrir soja eða hnetum er bent á að neyta hennar ekki. Hægt er að skila pakkningunum í verslanir þar sem þær voru keyptar eða til Myllunnar Blikastaðavegi 2. Frekari upplýsingar fást hjá gæðadeild Myllunnar (gaedaeftirlit@myllan.is / s. 5102300).
