Ólöglegt litarefni í pálmolíu
Frétt -
25.05.2022
Athugið að þessi frétt er ársgömul eða eldri.
Matvælastofnun varar við einni framleiðslulotu af pálmolíu Nina palm oil sem fyrirtækið Lagsmaður ehf. flytur inn og selur í sinni verslun Fiska.is. Fyrirtækið hefur innkallað pálmolíuna af markaði með aðstoð heilbrigðiseftirlitsins HEF. Innköllun er vegna þess að það greindist í vörunni ólöglegt litarefni Súdan red sem er bannað að nota í matvælaframleiðslu.
Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um hættuleg matvæli og fóður.
Innköllunin á einungis við um eftirfarandi framleiðslulotu:
- Vörumerki: Nina
- Vöruheiti: Palm oil 500ml
- Innflytjandi: Lagsmaður ehf. / Fiska.is
- Best fyrir / Lotunúmer: 03/2024 – 2022.2608
- Framleiðsluland: Gana
- Geymsluskilyrði: Á þurrum stað
- Dreifing: Verslun Fiska.is, Nýbýlavegi 6, 200 Kópavogur
Neytendur sem keypt hafa vöruna er bent á að neyta hennar ekki og skila henni í verslun Fiska.is, Nýbýlavegi 6, Kópavogur.
Ítarefni