Nýtt rekstrarleyfi Veiðifélags Landmannaafréttar til fiskeldis að Galtalæk 2 á Hellu
Matvælastofnun hefur veitt Veiðifélagi Landmannaafréttar rekstrarleyfi til fiskeldis að Galtalæk 2 á Hellu. Matvælastofnun auglýsti tillögu að rekstrarleyfi á vef stofnunarinnar þann 30. mars 2021 og var frestur til að skila inn athugasemdum til 30. apríl 2021.
Veiðifélag Landmannaafréttar sótti um nýtt á rekstrarleyfi vegna 2 tonna hámarkslífmassa á seiðaeldi á urriða til stangveiða að Galtalæk 2 á Hellu. Umsókn um nýtt rekstrarleyfi var móttekin 8. maí 2019. Úttekt starfsstöðvar hefur farið fram og staðfestir Matvælastofnun gildistöku rekstrarleyfis Veiðifélags Landmannaafréttar FE-1176 að Galtalæk 2 á Hellu en starfsemin er einnig háð starfsleyfi Umhverfisstofnunar.
Heimilt er að kæra ákvörðun Matvælastofnunar um útgáfu rekstrarleyfis til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.