Ný gjaldskrá Matvælastofnunar tekur gildi 1. júní

Ný gjaldskrá Matvælastofnunar mun taka gildi 1. júní n.k. Helsta breytingin frá eldri gjaldskrá er sú að öll innheimta stofnunarinnar mun alfarið byggja á tímagjaldi og raunkostnaði við sýnatökur og greiningar sýna. Fastir gjaldaliðir, kílóagjald og gjald vegna áhættuflokkaðs eftirlits mun því falla niður auk þess sem ekki verður innheimt sérstakt akstursgjald. Þess í stað verður innheimt tímagjald fyrir undirbúning, ferðatíma, eftirlit/þjónustuverkefni og frágang. Um er að ræða tvö tímagjöld, almennt gjald, kr. 10.162 kr. og gjald fyrir daglegt eftirlit í sláturhúsum, kr. 8.099. Verið er að uppfæra upplýsingar um nýja gjaldskrá á vef stofnunarinnar. Nánari upplýsingar má finna hér.