Námskeið um gæðastýrða sauðfjárframleiðslu

Matvælastofnun heldur námskeið fyrir þá sem hafa sótt um aðild að gæðastýrðri sauðfjárframleiðslu en krafist er að þátttakendur í gæðastýrðri sauðfjárrækt sæki slíkt námskeið. Námskeiðið verður haldið á Akureyri, fimmtudaginn 13. júní næstkomandi.

Staður og stund

Akureyri þann 13. júní í Búgarði, Búnaðarsambandi Eyjafjarðar, að Óseyri 2 kl. 09:30 – 16:30.

Tilkynna þarf þátttöku eigi síðar en föstudaginn 7. júní n.k. í síma 530-4800 eða með tölvupósti á netfangið mast@mast.is. Ekki er um sérstakt námskeiðsgjald að ræða.

Efni

Á námskeiðinu verður m.a.: 

• farið yfir lagalegan grundvöll gæðastýringar og stjórnsýslu tengdri gæðastýrðri sauðfjárframleiðslu. 
• farið ítarlega yfir reglugerð um gæðastýrða sauðfjárframleiðslu nr. 511/2018.
• rafræn handbók um gæðastýrða sauðfjárframleiðslu kynnt.
• fjallað um landnýtingu og landbótaáætlanir.
• farið yfir reglugerð um stuðning við sauðfjárrækt nr. 1262/2018.
• farið yfir reglugerð um merkingar búfjár nr. 916/2012, með síðari breytingum.
• fjallað um fullnægjandi þátttöku í afurðaskýrsluhaldi í sauðfjárrækt, uppbygginu og grundvallaratriði sem standa þarf skil á.
• farið í grundvallaratriði varðandi sauðfjárbúskap.