Mótefni gegn skaðlusri fuglaflensuveiru hafa greinst í tveim sýnum úr hænum

Mótefni hafi greinst gegn fuglaflensuveiru í tveim sýnum sem voru tekin úr hænum í Húsdýra- og fjölskyldugarðinum í Reykjavík. Samtals voru tekin 10 sýni úr hænum þar, en einungis tvö þeirra voru með mótefni gegn H5-fuglaflensuveiru. Mótefni gegn H7 greindust ekki í sýnunum. Rannsóknir hafa leitt í ljós að ekki er um ræða mótefni gegn H5N1-undirflokki inflúensu A, en frekari sýnatökur og rannsóknir þarf að gera til að ákveða hvaða N-afbrigði er um að ræða.

Sýnatökur þessar eru liður í að skima heilbrigða alifugla og villta fugla fyrir fuglaflensuveirum. Tekið skal fram að allt bendir til þess hænurnar hafi smitast af meinlausri fuglaflensuveiru sem ekki veldur einkennum í fuglum. Meinlausar fuglaflensuveirur eru algengar í villtum fuglum og fólki stafar ekki hætta af þeim. Yfirdýralæknir leggur því ekki til til að fuglum í Húsdýra- og fjölskyldugarðurinn verði fargað eða að gripið verði til frekari aðgerða að sinni.

Birt á vef Yfirdýralæknis þann 21. febrúar 2006