Fara í efni

Köfnunarhætta við neyslu á Jelly cups hlaupi

Matvælastofnun varar við neyslu á ABC Jelly mini cups vegna köfnunarhættu. Hlaupin innihalda hleypiefnið E-410 karbógúmmí sem er mjög seigt. Stórir sælgætisbitar geta valdið köfnun. Fyrirtækin sem flytja inn þessar vörur eru að innkalla þær í samráði við Heilbrigðiseftirlit Reykjavíkur og Heilbrigðiseftirlit Hafnarfjarðar-og Kópavogssvæðis.

Matvælastofnun fékk upplýsingar um vörurnar í gegnum RASFF hraðviðvörunarkerfi Evrópu um hættuleg matvæli og fóður á markaði og upplýsti heilbrigðiseftirlitið.

Innköllunin á einungis við eftirfarandi vöruheiti:

  • Vörumerki: ABC jelly cups
  • Vöruheiti:
    Girl Jelly Fruity Bites
    Boy Jelly Fruity bites
    Fruitery Jelly Assorted Jar
    Fruitery Jelly Assorted Bag
    Pentagon Cup Jelly Snacks Bag
    Assorted Jelly Snack
    Assorted jelly pudding
    Coconut jelly-peach shape (assorted) - blá
    Coconut jelly-peach shape (assorted) – bleik
    Jelly Cup with Taro Flavour
    Coconut Jelly (Taro Flavour)
  • Framleiðandi: Tsang Lin Industries
  • Framleiðsluland: Taívan
  • Rekjanleiki: Allar framleiðslulotur
  • Dreifing/innflytjandi: Verslunin Álfheimar ehf., Lagsmaður ehf., Víetnam market ehf., Daiphat ehf., Bláa sjoppan, Bolabankinn og verslanir fiska.is.

Innkallað Jelly cup hlaup

Neytendur sem hafa keypt vöruna geta skilað henni til innflytjanda eða í verslun þar sem hún var keypt gegn endurgreiðslu.

Ítarefni

Uppfært 11.06.20 kl. 11:00


Getum við bætt efni síðunnar?