Hótun gagnvart eftirlitsmönnum kærð til lögreglu

Atvik þar sem starfsfólki Matvælastofnunar var hótað við reglubundið eftirlit hjá matvælafyrirtæki, hefur verið kært til lögreglu.

Í almennum hegningarlögum segir að hver sá sem ræðst með ofbeldi eða hótunum um ofbeldi á opinberan starfsmann þegar hann er að gegna skyldustarfi sínu eða sem á sama hátt leitast við að hindra framkvæmd slíks starfs skal sæta fangelsi allt að 6 árum. Jafnframt segir að beita megi sektum ef brot er smáfellt.

Allt ofbeldi eða hótanir um ofbeldi í garð starfsmanna Matvælastofnunar verður kært til lögreglu.