Hindber innkölluð

Í kjölfar tilkynningar frá ICA í Svíþjóð um að þar hafi greinst Norovírus í Euro Shopper hindberjum í 500 gramma pokum hafa Aðföng ákveðið að innkalla vöruna í varúðarskyni. Varan var í dreifingu í verslunum Bónus, Hagkaupa og 10-11 og hefur verið tekin úr sölu. Þess má geta að sýkingar af völdum noroveira sem rekja mátti til innfluttra frosinna hindberja komu upp í Finnlandi og Svíþjóð s.l. haust. Innköllunin gildir um allar best fyrir dagsetningar af vörunni.

Neytendur sem kunna að eiga vöruna til eru beðnir um að hafa samband við Aðföng í síma 530-5645 eða í gegnum netfangið gaedastjori@adfong.is. Einnig má skila vörunni í verslunina þar sem hún var keypt gegn fullri endurgreiðslu.