Fræðslufundur um búfjárhald í Vestmanneyjum
Frétt -
24.01.2017
Athugið að þessi frétt er ársgömul eða eldri.
Matvælastofnun og Vestmannaeyjabær boða til fundar með búfjáreigendum í Vestmannaeyjum fimmtudaginn 26. janúar n.k. vegna búrfjárhalds í Vestmannaeyjum. Á fundinum verður m.a. fjallað um skyldur búfjáreigenda gagnvart skráningum og merkingum, auk kynningar á helstu nýjungum í reglugerð um velferð sauðfjár.
Óðinn Jóhannsson, dýraeftirlitsmaður Matvælastofnunar í Suðurumdæmi og Sigrún Bjarnadóttir, dýralæknir nautgripa- og sauðfjársjúkdóma hjá Matvælastofnun, verða með framsögu á fundinum. Málefni fundarins eru:
- Aðbúnaðar- og beitarmál búfjár í Heimaey
- Úteyjabúskapur – kröfur og undanþágur samkvæmt reglugerð um velferð sauð- og geitfjár
- Merkingar búfjár samkvæmt reglugerð
- Skráningar búfjár/umráðamanna samkvæmt lögum um búfjárhald
- Önnur mál
Fundurinn verður haldinn í Sagnheimum, Pálsstofu, kl. 17:00. Fundurinn er þátttakendum að kostnaðarlausu og eru allir velkomnir!