Fagsviðsstjóri - súnur
Frétt -
22.01.2009
Athugið að þessi frétt er ársgömul eða eldri.
Matvælastofnun óskar eftir að ráða metnaðarfullan einstakling á Áhættumats- og gæðastjórnunarsvið til að starfa við súnur (zoonoses). Um nýtt starf er að ræða og gefst viðkomandi tækifæri til að taka þátt í mótun þess.
Helstu verkefni:
- Samræming aðgerða við súnum.
- Samskipti við sóttvarnalækni, heilbrigðiseftirlit og aðrar innlendar og erlendar stofnanir.
- Þátttaka í gerð umsóknar Íslands um viðbótartryggingu vegna salmonellu í búfjárafurðum.
- Umsjón með skráningum og skýrsluhaldi á súnum.
- Þátttaka í endurskoðun og viðhaldi viðbragðsáætlunar vegna matarsýkinga og matareitrana.
- Aðkoma að skipulagi á grunnrannsóknum á súnum.
- Aðkoma að áætlanagerð og eftirfylgni á reglulegum sýnatökum vegna súna.
- Önnur verkefni.
Menntunar- og hæfniskröfur:
- Háskólamenntun í dýralæknisfræði, læknisfræði, örverufræði, matvælafræði eða önnur sambærileg háskólamenntun sem nýtist í starfi.
- Reynsla af vinnu við súnur.
- Nákvæmni, frumkvæði og sjálfstæði í starfi.
- Skipulags- og samskiptahæfileikar.
- Góð tölvu- og tungumálakunnátta.
Starfsmaður mun starfa á aðalskrifstofu Matvælastofnunar á Selfossi. Um fullt starf er að ræða og eru launakjör samkvæmt kjarasamningi opinberra starfsmanna.
Nánari upplýsingar um starfið veita Sigurborg Daðadóttir og Hafsteinn Jóh. Hannesson í síma 530-4800. Umsóknum ásamt ferilskrá og öðrum upplýsingum skal skilað til Matvælastofnunar, Austurvegi 64, 800 Selfoss, merktum Fagsviðstjóri eða með tölvupósti á mast@mast.is. Umsóknarfrestur er til og með 10. febrúar 2009.