Eftirlitsverkefni: Örveruástand í blaðgrænmeti
Frétt -
11.10.2009
Athugið að þessi frétt er ársgömul eða eldri.
 |
|
Haustið 2008 kannaði
Heilbrigðiseftirlit sveitarfélaganna í samvinnu við Matvælastofnun
örveruástand á ýmiskonar blaðsalati og kryddjurtum. Tekin voru 85
sýni. Sýnin voru rannsökuð m.t.t. salmonellu og E.coli. Niðurstöður
sýndu að ástand þeirra sýna sem tekin voru var almennt gott með tilliti
til salmonellu og E. coli. Salmonella greindist ekki í sýnunum en í 9
sýnum af 85 greindist E. coli. Alltaf er einhver hætta á að grænmeti þá einkum blaðgrænmeti sé mengað af E. coli. Uppruni mengunar tengist mengun frá saur dýra við ræktun eða meðhöndlun grænmetis. Neytendur geta minnkað áhættu vegna smits frá E. coli og salmonellu með því að þvo allt blaðgrænmeti og kryddjurtir fyrir neyslu. |
Ítarefni