Daglegt eftirlit ber að hafa með ákveðnum meindýravörnum
Frétt -
09.02.2021
Athugið að þessi frétt er ársgömul eða eldri.
Atvinnuvega- og nýsköpunarráðuneytið staðfesti nýlega kröfu Matvælastofnunar að matvælafyrirtæki bæri að viðhafa daglegt eftirlit með þeim meindýravörnum sem fyrirtækið kaus að nota á starfsstöð sinni (svokallað „músahótel“ án tilkynningarbúnaðar). Daglegt eftirlit fyrirbyggir óþarfa þjáningu dýra og uppsprettu sýkla sem ógnað geta matvælaöryggi. Í boði eru annars konar meindýragildrur en kærandi hefur notað og hafði Matvælastofnun leiðbeint fyrirtækinu um það. Þær eru með búnaði sem tilkynnir ef meindýr er komið í gildrurnar og er þá daglegt eftirlit óþarft.
Álit ráðuneytisins var að Matvælastofnun hefði gætt meðalhófs í kröfum sínum og ekki gengið harðar fram en þyrfti.