Fara í efni

Breyting rekstrarleyfis Fiskeldis Austfjarða hf. í Berufirði

Matvælastofnun hefur breytt  rekstrarleyfi Fiskeldis Austfjarða hf. til fiskeldis í Berufirði í samræmi við 13. gr. reglugerðar nr. 540/2020 um fiskeldi . Tillaga að breyttu rekstrarleyfi var auglýst á vef stofnunarinnar þann 31. maí 2021 og frestur til að skila inn athugasemdum var til 28. júní 2021.

Fiskeldi Austfjarða sótti um breytingu á rekstrarleyfi fyrir allt að 9.800 tonna hámarkslífmassa, þar af 7.500 tonn af frjóum laxi og 2.300 tonn af ófrjóum laxi, í kynslóðaskiptu sjókvíeldi í Berufirði á breyttum eldissvæðum, Gautavík, Hamraborg I, Glímeyri og Svarthamarsvík, ásamt breytingu á útsetningaráætlun.

Hámarkslífmassi eldisins vegna rekstrarleyfis FE-1138 í Berufirði mun ekki fara yfir 9.800 tonn sem er í samræmi við burðarþolsmat Berufjarðar. Starfsemin er einnig háð starfsleyfi Umhverfisstofnunar.

Framkvæmd fyrirtækisins er ekki matsskyld skv. ákvörðun Skipulagsstofnunar í samræmi við lög um mat á umhverfisáhrifum.

Heimilt er að kæra ákvörðun Matvælastofnunar um breytingu rekstrarleyfisins til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.

Ítarefni


Getum við bætt efni síðunnar?