Ákvörðun um skráningu vegna fiskeldis til Ævintýradalurinn ehf. að Heydal í Mjóafirði
Frétt -
20.12.2022
Athugið að þessi frétt er ársgömul eða eldri.
Í samræmi við reglugerð nr. 1133/2021 hefur Matvælastofnun ákveðið að skrá Ævintýradalurinn ehf. með fiskeldi að Heydal í Mjóafirði. Um er að ræða landeldi á bleikju í kerjum.
Ævintýradalurinn sótti um skráningu vegna 20 tonna hámarkslífmassa í matfiskeldi á bleikju (Salvelinus alpinus). Umsókn um skráningu var móttekin þann 27. janúar 2022. Starfsemin er einnig háð starfsleyfi Umhverfisstofnunar.
Heimilt er að kæra ákvörðun Matvælastofnunar um skráningu til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.
Ítarefni
Staðfesting skráningar Matvælastofnunar til Ævintýradalurinn ehf.