Fara í efni

Vanmerktur ofnæmis- og óþolsvaldur í blönduðum humri

Athugið að þessi frétt er ársgömul eða eldri.

   Humarsalan ehf. hefur tilkynnt Matvælastofnun að fyrirtækið sé að breyta merkingum á umbúðum með skelbrotnum humri. Varan inniheldur súlfít, sem er skylt að merkja skv. reglugerð um merkingar.

Varan sem ber heitið "Blandaður humar" er í 1 kg. plastpokum og er nettóþyngd humars í skel 900 g. þar sem 10% þyngdar er varnaríshúð.


Súlfít hefur mjög lengi verið notað við framleiðslu á humri og er því ekki um neina nýjung að ræða. Merkingar á súlfíti hafa hinsvegar ekki verið á umbúðum eins og skylt er. Humarsalan hefur því látið stöðva sölu á vörunni í verslunum þar til að varan hefur fengið viðeigandi merkingar.


Súlfít er talið geta valdið ofnæmi, sé það yfir tilteknu magni, hjá fámennum hópi neytenda, en súlfítofnæmi er afar sjaldgæft að sögn Landlæknisembættisins. Þeir sem kunna að eiga þessa vöru til í frysti eða kæliskáp geta haft samband við Humarsöluna ehf, Básvegi 1 í Reykjanesbæ, sími 867-6677 og fengið henni skilað.


Ítarefni




Getum við bætt efni síðunnar?