Tillaga að rekstrarleyfi Hábrúnar í Skutulsfirði í Ísafjarðardjúpi
Frétt -
12.09.2019
Athugið að þessi frétt er ársgömul eða eldri.
Matvælastofnun hefur unnið tillögu að rekstrarleyfi fyrir Hábrún hf. vegna sjókvíaeldis á regnbogasilungi og þorski í Skutulsfirði í Ísafjarðardjúpi. Um er að ræða stækkun á eldri rekstrarleyfum úr 400 tonnum af laxi, regnbogasilungi og þorski í 700 tonn af regnbogasilungi og þorski. Framkvæmdin er ekki háð mati á umhverfisáhrifum skv. ákvörðun Skipulagsstofnunar um matsskyldu.
Athugasemdir við tillöguna og fylgigögn skulu vera skrifleg og send Matvælastofnun. Frestur til að skila inn athugasemdum er til 10. október 2019.