Fara í efni

Námskeið um gæðastýrða sauðfjárframleiðslu

Athugið að þessi frétt er ársgömul eða eldri.

Námskeið um gæðastýrða sauðfjárframleiðslu.

Matvælastofnun heldur undirbúningsnámskeið fyrir þá sem hafa sótt um aðild að gæðastýrðri sauðfjárframleiðslu en krafist er að þátttakendur í gæðastýrðri sauðfjárrækt sæki slíkt námskeið. Vakin er athygli framleiðenda sem óska eftir að taka upp gæðastýrða sauðfjárframleiðslu á búi sínu að umsóknum skal skila eigi síðar en 20. nóvember.

 

Staður og tími:

Sauðárkróki þann 23. nóvember í Tjarnarbæ, félagsheimili hestamannafélagsins Skagfirðings kl. 10:00 – 16:30.

Tilkynna þarf þátttöku eigi síðar en 20. nóvember n.k. í síma 530-4800 eða með tölvupósti á netfangið mast@mast.is. Ekki er um sérstakt námskeiðsgjald að ræða en þátttakendur greiða sjálfir fyrir veitingar.


Efni:

Á námskeiðinu verður: 

  • farið yfir lagalegan grundvöll gæðastýringar og stjórnsýslu tengdri gæðastýrðri sauðfjárrækt.
  • farið ítarlega yfir reglugerð um gæðastýrða sauðfjárframleiðslu nr. 1160/2013, með síðari breytingum, þar sem áhersla er lögð á að skýra alla liði reglugerðarinnar fyrir þátttakendum
  • fjallað um landnýtingu og landbótaáætlanir.
  • farið yfir reglugerð um merkingar búfjár nr. 916/2012, með síðari breytingum.
  • farið yfir reglugerð um velferð sauðfjár og geitfjár nr. 1066/2014.
  • farið yfir reglugerð um stuðning við sauðfjárrækt nr. 1151/2016.
  • fjallað um skýrsluhald í sauðfjárrækt, uppbygginu þess og grundvallaratriði sem standa þarf skil á við þátttöku í skýrsluhaldi.
  • farið yfir notkun á forritinu Jörð.
  • farið í grundvallaratriði varðandi sauðfjárbúskap, fóðrun og hirðingu sauðfjár.

*Miðað er við að hámarksfjöldi á hvert námskeið sé 20 manns. Ef þátttaka er ekki næg áskilur Matvælastofnun sér þann rétt að fella niður námskeiðið og færa staðsetningu þess.


Getum við bætt efni síðunnar?