Nælonþræðir í kaffisúkkulaði
Frétt -
21.12.2018
Athugið að þessi frétt er ársgömul eða eldri.
Matvælastofnun vekur athygli neytenda á mögulegum nælonþráðum í kaffisúkkulaði frá Góu-Lindu ehf. Bursti í framleiðsluvél skemmdist á meðan á framleiðslu stóð með þeim afleiðingum að nælonþræðir losnuðu. Möguleiki er á að þeir hafi borist í súkkulaðistykkin. Góa-Linda ehf. er að innkalla vöruna af markaði í samráði við Heilbrigðiseftirlit Kópavogs- og Hafnarfjarðarsvæðis.
Innköllunin nær til eftirfarandi framleiðslulotu af vörunni:
- Vöruheiti: KAFFIsúkkulaði
- Vörumerki: Linda
- Best fyrir dagsetning: Desember 2019
- Strikamerki: 5690653121105
- Dreifing: Dreifingarlisti hefur ekki borist
Þeir sem keypt hafa vöruna geta skilað henni til Góu, Garðahrauni 2, 210 Garðabæ.