Með allt á hreinu á ensku og pólsku
Frétt -
15.03.2010
Athugið að þessi frétt er ársgömul eða eldri.
Bæklinginn Með allt á hreinu má nú nálgast á rafrænu formi á ensku, pólsku og íslensku á vef Matvælastofnunar. Eingöngu íslenska útgáfan er fáanleg á prentuðu formi og geta áhugasamir óskað eftir eintökum með beiðni til MAST: mast@mast.is.
Með allt á hreinu er endurútgefinn bæklingur um hollustuhætti við meðferð matvæla. Bæklingurinn er ætlaður starfsfólki sem meðhöndlar matvæli á einn eða annan hátt. Farið er yfir almennar umgengnisreglur, vinnufatnað, vinnuhlé og salernisferðir, örverur og hitastig, með það að markmiði að bæta hreinlæti og stuðla að auknu matvælaöryggi.